Gürcüstanın ombudsmanı: Konstitusiyaya edilən dəyişikliklər nəticəsində bir çox qanunlar günün çağırışlarına uyğunlaşdırılır
Bakı, 12 noyabr, AZƏRTAC
Konstitusiyaya edilən dəyişikliklər nəticəsində bir çox qanunlar günün çağırışlarına uyğunlaşdırılır. Ancaq bu sahədə vəziyyəti diqqətlə təhlil etmək vacibdir.
AZƏRTAC xəbər verir ki, bunu “Konstitusiya və qanunun aliliyi müasir hüquq sistemlərində” mövzusunda keçirilən beynəlxalq konfrans çərçivəsində təşkil olunan “Konstitusion prinsiplər: Qanunun aliliyinə aparan yol” adlı paneldə Gürcüstan Xalq Müdafiəçisi (Ombudsman) Levan İoseliani deyib.
O, məhkəmə qərarlarının bəzən siyasətləşdirilməsinin təəssüf hissi yaratmasına diqqət çəkib: “Dövlət və xalq müdafiəçisi institutu böyük bir sistemin mühüm hissəsidir. Biz çalışırıq ki, vətəndaşlar üçün vacib olan məsələləri diqqətə çatdıraq və onların müdafiəsini təmin edək. Məqsədim odur ki, bu fəaliyyətə heç bir halda xələl yetirilməsin. Nəticə etibarilə hesab edirəm ki, xalq müdafiəçilərinin ən vacib rolu cəmiyyətdə daha dayanıqlı və demokratik mühitin formalaşmasına töhfə verməkdir”.
Bölmənin digər xəbərləri
