Hacıqabulda 20 Yanvar şəhidlərinin xatirəsi böyük ehtiramla anılmışdır
Hacıqabul, 20 yanvar (AZƏRTAC). Yanvarın 20-də Hacıqabul şəhərindəki Şəhidlər xiyabanında 20 Yanvar qurbanlarının xatirəsi böyük ehtiramla anılmışdır.
AZƏRTAC xəbər verir ki, mərasim iştirakçıları burada uyuyan 87 Qarabağ müharibəsi şəhidinin məzarının önünə gül dəstələri düzmüş, ölkəmizin azadlığı və ərazi bütövlüyü uğrunda mübarizədə həlak olanların xatirəsini dərin hüznlə yad etmişlər.
Mərasimdə rayon icra hakimiyyəti başçısının birinci müavini Sahib Aslanov 20 Yanvar faciəsinin tariximizin həm qanlı, həm də qəhrəmanlıq səhifəsi olduğunu vurğulamış, xalqımızın azadlığı, ölkəmizin ərazi bütövlüyü uğrunda mübarizədə şəhid olanların ailələrinə Prezident İlham Əliyev tərəfindən daim qayğı göstərildiyini diqqətə çatdırmışdır.
Bölmənin digər xəbərləri
