Həmvətənimiz “Oxuyan Murman” festivalında uğurla çıxış etmişdir
Bakı, 6 iyun (AZƏRTAC). Murmanskda “Oxuyan Murman” festival-müsabiqəsinin seçmə turunun II mərhələsi və festivalın finalı olmuşdur.
“Oxuyan Murman” festival-müsabiqəsi 1997-ci ildən keçirilir. Bu müsabiqənin üzə çıxardığı bir çox özfəaliyyət kollektivləri və ifaçılar regionlararası, ümumrusiya və beynəlxalq festivallarında və müsabiqələrində Murmansk vilayətini layiqincə təmsil edirlər.
Bu il “Oxuyan Murman” festivalı Zapolyaryedə alman-faşist qoşunlarının darmadağın edilməsinin 70 illiyinə həsr olunmuş və Mədəniyyət ili çərçivəsində keçirilmişdir.
Ümumrusiya Azərbaycan Konqresinin Murmansk bölməsinin və Rusiya Azərbaycanlı Gənclər Təşkilatının yerli nümayəndəliyinin mətbuat katibi Əlihüseyn Şükürov AZƏRTAC-a bildirmişdir ki, həmvətənimiz Arzu Zeynalova festivalın 2-ci dərəcəli diplomu ilə təltif edilmişdir.
Bölmənin digər xəbərləri
