Hər bir ölkə sakini orta hesabla 281,8 manatlıq müxtəlif ödənişli xidmətlərdən yararlanıb
Bakı, 30 may, AZƏRTAC
Cari ilin yanvar-aprel aylarında əhaliyə göstərilən ödənişli xidmətlərin dəyəri 2021-ci ilin müvafiq dövrü ilə müqayisədə real ifadədə 6,9 faiz artaraq 2 milyard 829,8 milyon manat olub.
Dövlət Statistika Komitəsindən AZƏRTAC-a bildirilib ki, hüquqi şəxslər tərəfindən əhaliyə 2 milyard 102,9 milyon manatlıq xidmət göstərilib ki, bu da xidmətlərin ümumi dəyərinin 74,3 faizidir. Cari ilin yanvar-aprel aylarında hər bir ölkə sakini orta hesabla 281,8 manatlıq və ya ötən ilin müvafiq dövrü ilə müqayisədə nominal ifadədə 39,1 manat çox müxtəlif ödənişli xidmətlərdən istifadə edib.
Bölmənin digər xəbərləri
