Hərbi təbabət elminin inkişafına həsr olunmuş konfrans keçirilib
Bakı, 26 dekabr, AZƏRTAC
Azərbaycan Tibb Universitetinin Hərbi Tibb Fakültəsində 44 günlük Vətən müharibəsinin üçüncü ildönümünə həsr olunmuş Adyunkt və Hərbi Tibb Fakültəsinin rezidentlərinin konfransı keçirilib.
Müdafiə Nazirliyinin mətbuat xidmətindən AZƏRTAC-a verilən məlumata görə, tədbirdə Milli Müdafiə Universitetinin, Tibb İdarəsinin və Azərbaycan Tibb Universitetinin nümayəndələri iştirak ediblər.
Əvvəlcə xalqımızın Ümummilli Lideri Heydər Əliyevin və ölkəmizin suverenliyi, müstəqilliyi, ərazi bütövlüyü uğrunda şəhid olanların xatirəsi bir dəqiqəlik sükutla anılıb, Dövlət Himni səsləndirilib.
Tədbirdə çıxış edənlər belə konfransların keçirilməsinin vacibliyindən danışıb, ölkəmizdə hərbi təbabət elminin inkişafı sahəsində və gələcəkdə elmi kadrların hazırlanmasında böyük addımlar atıldığını vurğulayıblar.
Qeyd olunub ki, konfransda hərbi təbabət istiqamətində 16-sı hərbi cərrahiyyə, 14-ü isə hərbi terapiya ixtisası üzrə olmaqla ümumilikdə 30 adda tezis qəbul edilib.
Daha sonra konfransda məruzələr dinlənilib.
Tədbirin yekununda çıxışçılara sertifikatlar təqdim edilib.
Bölmənin digər xəbərləri
