HEYDƏR ƏLİYEV AŞQABADDA DA ANILMIŞDIR
Mərasimdə möhtərəm Heydər Əliyevin xatirəsi yad edilmiş, Azərbaycan Respublikasının himni səslənmiş və mərhumun ruhuna dualar oxunmuşdur.
Səfir Elxan Hüseynov mərasim iştirakçıları qarşısında çıxış etmişdir. O, böyük şəxsiyyət, ümummilli liderimiz Heydər Əliyevin Azərbaycana rəhbərlik etdiyi illərdə gördüyü işlərdən, dünyanın müxtəlif guşələrində məskunlaşmış azərbaycanlıları xoşbəxt görmək arzusundan, həmyerlilərimizin birliyi naminə atdığı addımlardan danışmış, onun xatirəsinin xalqımızın yaddaşından heç vaxt silinməyəcəyini söyləmişdir.
Mərasimdə Türkmənistanda yaşayan soydaşlarımız çıxış edərək bu itkinin Türkmənistan vətəndaşlarında ürək ağrısı doğurduğunu vurğulamışlar.
Tədbir iştirakçıları Heydər Əliyevin portireti qarşısına çiçək dəstələri və əklillər qoymuş, Azərbaycan Respublikasının Prezidenti cənab İlham Əliyevə və bütün Azərbaycan xalqına səbr diləmişlər.
Bölmənin digər xəbərləri
