“HEYDƏR ƏLİYEV AZƏRBAYCAN XALQININ ÜMUMMİLLİ LİDERİDİR” MÖVZUSUNDA KONFRANS KEÇİRİLMİŞDİR
Aprelın 9-da Qadın Problemləri üzrə Dövlət Komitəsində “Heydər Əliyev Azərbaycan xalqının ümummilli lideridir” mövzusunda konfrans keçirilmişdir.
Komitədən AZƏRTAC-a bildirmişlər ki, qurumun sədri Zəhra Quliyeva “Heydər Əliyevin həyat və fəaliyyəti zaman kontekstində” adlı məruzəsində dövlətimizin başçısının xalqımız qarşısındakı xidmətlərindən danışmışdır. Bildirmişdir ki, dövlətimizin başçısı qadınlarla bağlı məsələlərə böyük qayğı ilə yanaşır. Prezidentimiz qadınların problemlərini dövlət səviyyəsində həll etmək məqsədi ilə Qadın Problemləri üzrə Dövlət Komitəsi yaratmışdır. Komitə qadın problemlərinə dair milli fəaliyyət planı tərtib etmişdir. Bu gün ölkənin siyasi, iqtisadi və mədəni həyatında qadınlarımızın geniş fəaliyyəti üçün hər çür şərait yaradılmışdır.
Qadın Problemləri üzrə Dövlət Komitəsi sədrinin I müavini Dilruba Camalovanın “Heydər Əliyev və Azərbaycanda milli dövlət quruculuğu, dövlət idarəetmə məktəbi” adlı məruzəsi dinlənilmişdir. Məruzəçi qeyd etmişdir ki, Azərbaycan Prezidenti dövlətin idarə edilməsində, bütün sahələrdə işin canlandırılmasında, iqtisadiyyatın yüksəlməsində, islahatların həyata keçirilməsində, sosial-mədəni, ictimai-siyasi həyatda, cəmiyyətin formalaşmasında və saflaşmasında qadınların iştirakına yüksək önəm verir.
Konfrans öz işini məruzələr ətrafında çıxışlar və müzakirələrlə başa çatdırmışdır.
Bölmənin digər xəbərləri
