Heydər Əliyev Sarayında 20 Yanvar faciəsi qurbanlarının xatirəsini anma mərasimi keçirilmişdir
Bakı, 19 yanvar (AZƏRTAC). Yanvarın 19-da Heydər Əliyev Sarayında 20 Yanvar faciəsinin 22-ci ildönümünə həsr olunmuş mərasim keçirilmişdir.
Sarayın mətbuat xidmətindən AZƏRTAC-a bildirmişlər ki, tədbirin iştirakçıları əvvəlcə 20 Yanvar faciəsini əks etdirən kitab və fotostendlə tanış olmuşlar.
Tədbirdə Azərbaycan xalqının və ölkəmizin tarixində yaşanmış, dünya tarixində dinc insanlara qarşı törədilmiş ən qəddar cinayətlər sırasında yer alan 1990-cı ilin yanvar hadisələri haqqında geniş məlumat verilmişdir.
Çıxış edənlər baş verənlərin insanlığa qarşı törədilmiş terror hadisəsi olduğunu vurğulamış və bildirmişlər ki, bu faciə təkcə azərbaycanlılara deyil, ümumilikdə bəşəriyyətə qarşı törədilmiş cinayət aktıdır.
Mərasimdə 20 Yanvar hadisələrinin başvermə səbəblərindən danışılmış və şəhidlərimizin başladıqları yolun Azərbaycanın müstəqilliyi uğrunda mübarizə tarixinin qəhrəmanlıq səhifəsi olduğu vurğulanmışdır.
Tədbir faciədən bəhs edən “20 Yanvar” sənədli filminin nümayişi ilə başa çatmışdır.
Bölmənin digər xəbərləri
