Hindistanda dağdan düşən iri daşlar 6 nəfərin ölümünə səbəb olub
Bakı, 28 sentyabr, AZƏRTAC
Hindistanda sürüşmənin təsiri ilə iri daşların yolda hərəkət edən avtomobillərin üzərinə düşməsi nəticəsində 6 nəfər ölüb, 4 yaralanıb.
AZƏRTAC Hindistan KİV-lərinə istinadla xəbər verir ki, hadisə Uttarakhand ştatının Devaprayaq şəhəri ərazisində yerli vaxtla 14:30-da baş verib. Hadisə yerinə gələn xilasedicilər və polislər yaralıları xəstəxanalara çatdırıblar.
Qeyd edək ki, bölgədə bir neçə gündür davam edən şiddətli yağışlar torpaq sürüşməsi, sel və daşqınların yaranmasına səbəb olub.
Bölmənin digər xəbərləri
