Hindistanda leysan yağışlar 30-dan çox insanın həyatına son qoyub
Bakı, 2 avqust, AZƏRTAC
Hindistanın şimalında leysan yağışları nəticəsində 30-dan çox adam ölüb.
AZƏRTAC xəbər verir ki, bu barədə “Hindistan Times” qəzeti məlumat yayıb.
Təbii fəlakətin qurbanları Himaçal-Pradeş, Uttarxand, Uttar-Pradeş, Haryana ştatlarının, eləcə də paytaxt Dehli bölgəsinin sakinləri olub. Leysan yağışları yaşayış məntəqələrinə xeyli ziyan vurub, evlər dağılıb, yollar su altında qalıb. Onlarla insan itkin düşüb.
Hindistan Meteorologiya İdarəsi ölkənin şimalında yağışların avqustun 7-dək davam edəcəyini proqnozlaşdırır. Bəzi ştatlarda kəskin hava şəraiti ilə əlaqədar qırmızı xəbərdarlıq elan edilib.
Bölmənin digər xəbərləri
