“Honda” Azərbaycan Qran-Prisinə yenilənmiş motor gətirməyi vəd edir
Bakı, 20 iyun, AZƏRTAC
“Honda” şirkətinin avtonəqliyyat bölməsinin rəhbəri Yusuke Haseqava “Maklaren”ə Azərbaycan Qran-Prisində güc qurğusunda bəzi yeniliklər olacağını vəd edib.
O deyib: “Bakıda daxili yanma mühərrikində (DYM) bəzi yeniliklər olacaq. Bunu mühərrikin üçüncü spesifikasiyası adlandırıb-adlandırmayacağımızı bilmirəm. Amma biz mütləq müəyyən yeniliklər edəcəyik. Hətta müvəqqəti olsa da.
Ancaq əgər siz DYM-ni yaxşılaşdırırsınızsa, onda işlənmiş qazların temperaturu azalır və bu da turbindən və “MGU-H”dan əldə olunan enerjinin azalmasına gətirib çıxarır. Vəziyyət düşündüyünüzdən daha mürəkkəbdir”.
Bölmənin digər xəbərləri
