İdarə rəisi: 204 min 763 hektar ərazi minalardan təmizlənib
Bakı, 3 iyun, AZƏRTAC
İşğaldan azad olunmuş ərazilərdə icra edilən əməliyyatlar nəticəsində 2020-ci ilin noyabr ayından 2025-ci il iyunun 1-dək humanitar minatəmizləmə fəaliyyətinə cəlb edilən qurumlar tərəfindən ümumilikdə 204 min 763 hektar ərazi minalardan və müharibənin partlayıcı qalıqlarından təmizlənib.
Bu barədə AZƏRTAC-a məxsusi müsahibəsində Azərbaycan Respublikası Minatəmizləmə Agentliyinin (ANAMA) Əməliyyatların Koordinasiyası İdarəsinin rəisi Rahib Quliyev bildirib.
O qeyd edib ki, 37 min 118 ədəd piyada və 21 min 846 ədəd tank əleyhinə mina, həmçinin 138 min 569 ədəd partlamamış hərbi sursat olmaqla, ümumilikdə 197 min 533 ədəd mina və müharibənin digər partlayıcı qalıqları aşkar edilərək zərərsizləşdirilib.
Minatəmizləmə istiqamətdə görülən işlər, mövcud problemlər və gələcək planlarla bağlı ANAMA-nın idarə rəisi Rahib Quliyevin AZƏRTAC-a məxsusi müsahibəsi ilə buradan tanış ola bilərsiniz.
Bölmənin digər xəbərləri
