İngiltərədə radikal sağçı qrup polis binasını qarət edib
London, 3 avqust, AZƏRTAC
İngiltərənin Sanderlend şəhərində radikal sağçı qrup polis binasını qarət edib və qonşuluqdakı binanı yandırıb.
AZƏRTAC xəbər verir ki, hadisə nəticəsində üç polis əməkdaşı yaralanıb, səkkiz aksiya iştirakçısı saxlanılıb. Bundan əlavə, şəhərdəki məscidlərdən birinin önündə polislə etirazçılar arasında qarşıdurma yaranıb. Radikal qrupun bəzi üzvləri islamafob şüarlar səsləndiriblər.
Britaniyanın Baş naziri Kir Starmer polislə yaranan qarşıdurmanın etiraz deyil, cinayət olduğunu deyib.
Qeyd edək ki, iyulun 29-da İngiltərənin Sautport şəhərində 17 yaşlı bıçaqlı şəxs şəhərdəki rəqs məktəblərindən birində uşaqlara hücum edib. Nəticədə 9 uşaq yaralanıb, 3 uşaq isə aldığı zərbələrdən xəstəxanada həyatını itirib. Bıçaqlanma hadisəsinə etiraz olaraq İngiltərənin bir çox şəhərində radikal sağçı qruplar aksiyalar keçirməyə davam edirlər.
AZƏRTAC-ın xüsusi müxbiri
London
Bölmənin digər xəbərləri
