“İnsan alverinə qarşı mübarizə” həftəsi başa çatmışdır
Bakı, 18 may (AZƏRTAC). Xəbər verdiyimiz kimi, mayın 6-dan 16-dək ölkəmizdə “İnsan alverinə qarşı mübarizə” həftəsi elan edilmişdir.
AZƏRTAC xəbər verir ki, kampaniya çərçivəsində mövzu ilə əlaqədar televiziya və radioda proqramlar yayımlanmış, “dəyirmi masa”lar, seminarlar təşkil olunmuş, insan alverinə qarşı mübarizəni əks etdirən bukletlər, plakatlar, məlumat vərəqələri, üzərində “152 qaynar xətti” yazılmış şarlar, dəftərlər, maykalar paylanmış, digər maarifləndirici tədbirlər keçirilmişdir.
Bakı şəhərində yerləşən uşaq evlərində, internat məktəblərində, kollec və peşə ixtisas məktəblərində təhsil alan uşaq və yeniyetmələrin, eləcə də tikinti, xidmət, ictimai iaşə sahələrində çalışan gənclərin maarifləndirilməsi üçün müxtəlif görüşlər təşkil olunmuşdur.
Bölmənin digər xəbərləri
