İORDANİYANIN BMT-DƏKİ DAİMİ NÜMAYƏNDƏSİ TƏŞKİLATIN BAŞ KATİBİ VƏZİFƏSİ UĞRUNDA MÜBARİZƏYƏ QOŞULUR
Kofi Annanın bu vəzifədə səlahiyyət müddəti dekabrda bitir.
Növbəti baş katibin seçilməsi üzrə kampaniyaya iyunda start verilmişdir. Onda Şri-Lanka tanınmış diplomat, BMT qurumlarında uzun illər ərzində yüksək vəzifələrdə çalışımış Cayanta Dhanapalanın namizədliyini TŞ-nin müzakirəsinə təqdim etmişdir. Hazırda şri-lankalı və iordaniyalı ilə yanaşı, baş katib vəzifəsinə daha üç rəsmi namizəd var. Bunlar Tailandın Baş naziri Surakiyart Satiratay, Cənubi Koreyanın xarici işlər naziri Ban Ki Mun və BMT baş katibinin müavini, Hindistan nümayəndəsi Şaşi Tarurdur.
BMT Nizamnaməsinə uyğun olaraq, “baş katib Təhlükəsizlik Şurasının tövsiyəsi ilə Baş Məclis tərəfindən təyin edilir”. İyulun 24-də TŞ-də reytinq səsverməsinin ilk raundu keçirilmişdir. Bu, yeni baş katibin seçilməsi prosesinin bir hissəsidir. Onda Ban Ki Mun daha çox səs toplamışdı. TŞ-nin 15 üzvündən 12-si onu dəstəkləmişdi.
Səsvermə zamanı BMT TŞ-nin veto hüququna malik beş daimi üzvü ilə Şuranın rotasiya olunan 10 üzvü arasında fərq qoyulmamışdır. İstisna deyil ki, bu prosedura növbəti reytinq səsverməsinin gedişində dəyişəcəkdir. Diplomatların sözlərinə görə, növbəti raund bu ay keçirilə bilər.
Bölmənin digər xəbərləri
