İOSİF KOBZON AXİRƏT DÜNYASI HAQQINDA DÜŞÜNÜR

27.07.2004 [15:20]
Çap et
A⁺ A^-

AZƏRTAC xəbər verir ki, Rusiya mətbuatının məlumatına görə, məşhur müğənni, Dövlət Dumasının deputatı İosif Kobzon axirət dünyası haqqında düşünərək, İsrail qəbiristanlarından birində özünə yer almışdır.

Müğənni həyatdan köçərkən Zeytun dağındakı məzarlıqda torpağa tapşırılmaq arzusundadır. Bu dağdakı qəbiristan dünyada ən qədim məzarlıq sayılır. Burada ilk dəfnlər hələ eramızdan əvvəl II əsrə aiddir. Odur ki, bu məzarlıqda əbədiyyətə qovuşmaq hüququna ancaq çox varlı və çox hörmətli yəhudilər malikdirlər. Adətən, bu qəbiristanda yeri icarəyə götürürlər. Kim nə qədər çox pul ödəsə, əfsanəvi torpaqda bir o qədər çox qala bilər. Minimum müddətə icarə haqqı 18 min dollardır. Kiçik bir sahə almaq üçün on milyonlarla dollar ödəmək lazımdır.

Gefsimaniyda yerləşən Zeytun dağı həm xaçpərəstlər, həm müsəlmanlar, həm də yəhudilər üçün müqəddəs sayılır.