Tramp Beynəlxalq Cinayət Məhkəməsinə üzv ölkələri qurumdan rəsmən çıxmağa çağırıb
Vaşinqton, 22 sentyabr, AZƏRTAC
ABŞ Prezidenti Donald Tramp BMT Baş Assambleyasındakı çıxışında Beynəlxalq Cinayət Məhkəməsini (ICC) sərt tənqid edib.
AZƏRTAC xəbər verir ki, Tramp ABŞ-nin Beynəlxalq Cinayət Məhkəməsinin fəaliyyətinə qarşı olduğunu bildirib.
“Biz heç vaxt ABŞ hərbçilərinin və ya başqa şəxslərin bizim üzərimizdə yurisdiksiyası olmayan anti-Amerika tribunalı tərəfindən istintaqa cəlb edilməsinə və ya nümayiş xarakterli məhkəmələrə çıxarılmasına imkan verməyəcəyik”, – deyə ABŞ Prezidenti bildirib.
Tramp məhkəməni nəzarətdən çıxmış və qanunsuz fəaliyyət göstərən institut adlandıraraq məhkəməyə üzv olan bütün ölkələri qurumdan rəsmən çıxmağa çağırıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
