“İPƏK YOLU” ANSAMBLININ DAHA BİR KONSERTİ
Tədbirin əvvəlində Amerika Birləşmiş Ştatlarının Azərbaycandakı müvəqqəti işlər vəkili Ceyson Hayland dünyanın tanınmış musiqiçilərindən biri olan Yo Yo Manın rəhbərlik etdiyi “İpək yolu” ansamblı barədə məlumat vermiş, mədəniyyət və turizm naziri Əbülfəs Qarayevə bu konsertə dəstək verdiyinə görə təşəkkürünü bildirmişdi.
Konsert Çin, İran, Livan və Türkiyə bəstəkarlarının beş əsərindən ibarət “İpək yolu” süitası ilə başlanmışdır. İki hissədən ibarət konsertdə ansambl Azərbaycan bəstəkarı və pianoçusu, xalq artisti Firəngiz Əlizadənin “Muğamsayağı”mahnısı, Qazax xalq mahnısı “Yanzı” və “Roma haqda musiqi” əsərlərini məharətlə ifa etmişdir. Sonda xalq artisti Alim Qasımov və qızı Fərqanə “Bayatı-Şiraz” dəstgahını təqdim etmişlər.
Bölmənin digər xəbərləri
