İqtisadiyyat naziri: Tbilisi–Batumi dəmir yolu xəttində hərəkət müddəti 30 dəqiqə azalacaq
Tbilisi, 24 dekabr, AZƏRTAC
Gürcüstanın nəqliyyat və logistika sektorunda inkişaf üçün böyük potensialı var. İddialı planlarımıza çatmaq üçün 2032-ci ilə qədər strateji nəqliyyat infrastrukturunun inkişafına 7 milyard lari investisiya qoyulacaq ki, bunun da 1 milyard larisi dəmir yolunun daha da inkişafına xərclənəcək.
AZƏRTAC xəbər verir ki, bu sözləri Gürcüstanın iqtisadiyyat naziri Mariam Kvrivişvili söyləyib.
Nazir qeyd edib ki, dəmir yolu lokomotiv parkının yenilənməsi və hərəkət heyətinin genişləndirilməsinə gələn il başlanılacaq. Bundan əlavə, dəmir yolunun əməliyyat proseslərinin optimallaşdırılması, eləcə də mövcud inzibati maneələrin aradan qaldırılması və xidmətlərin rəqəmsallaşdırılması üzrə aktiv işlər görülür.
"Nəticədə 2026-cı ilin yay mövsümünə qədər Tbilisi-Batumi hissəsində hərəkətin vaxt müddəti 30 dəqiqə azaldacağıq. 2026-cı il, həmçinin Anakliya dərin dəniz limanının tikintisinin aktiv mərhələsinə keçidi və Bakı-Tbilisi-Qars dəmir yolu layihəsinin başa çatması ilə də fərqlənəcək", - deyə nazir vurğulayıb.
AZƏRTAC-ın xüsusi müxbiri
Tbilisi
Bölmənin digər xəbərləri
