İrakli Kobaxidze: USAID-in vəsaitləri ölkəmizdə çox çətin fəaliyyətlərin maliyyələşdirilməsinə sərf olunurdu
Tbilisi, 25 dekabr, AZƏRTAC
Dediklərimiz tam həqiqət idi, Amerika Birləşmiş Ştatları (ABŞ) Beynəlxalq İnkişaf Agentliyinin (USAID) vəsaitləri ölkəmizdəki çox çətin fəaliyyətlərin maliyyələşdirilməsinə yönəldilib.
AZƏRTAC xəbər verir ki, bunu Gürcüstanın Baş naziri İrakli Kobaxidze ABŞ-ın Dövlət katibi Marko Rubionun açıqlamasına münasibət bildirərkən söyləyib.
Hökumət başçısının sözlərinə görə, uzun illər USAID-in vəsaitlərinin ölkəyə zərərli olan layihələrin maliyyələşdirilməsinə yönəldildiyi barədə danışılıb. “İllərdir dediklərimiz və Rusiya yönümlü adlandırılan bəyanatlar barədə bu gün bu cür layihələri maliyyələşdirən ölkənin rəsmi nümayəndəsi tərəfindən danışılır. Buna uyğun olaraq, hər şey ictimaiyyət üçün aydın olmalıdır. USAID-in vəsaitlərinin ölkəmizdə çox çətin fəaliyyətlərin maliyyələşdirilməsinə sərf edildiyini ictimaiyyət bilməlidir”, - deyə İrakli Kobaxidze vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
