İranə Qasımova: Müasir qiraət üsullarından daha çox istifadə etmək lazımdır
Bakı, 13 noyabr, Anara Axundova, AZƏRTAC
Şairə, Azərbaycan Yazıçılar Birliyinin üzvü, bir neçə şeir toplusunun müəllifi, rejissor, ssenarist və populyar ədəbi layihələrin təşkilatçısı İranə Qasımova AZƏRTAC-ın müxbiri ilə poeziyanın və ədəbi axşamların bu gün nə qədər populyar olduğu barədə danışıb.
“Müşahidələrimə görə, poeziyaya maraq o qədər də yüksək deyil. Əsasən, şairlərin özləri və populyar müəlliflərin şeirlərini oxumağı sevən insanlar maraq göstərir. Poeziya axşamları digər yaradıcı peşə nümayəndələrində də maraq doğurur. Burada isə hər şey daha yaxşıdır. Poeziya axşamlarında iştirak etmək üçün mütləq poeziya ilə maraqlanmaq lazım deyil, sadəcə, cəmiyyətə çıxıb ziyalı insanlarla ünsiyyətdən zövq almaq kifayətdir. Əlbəttə ki, mən sırf poeziya tədbirlərinin keçirilməsində şəxsi təcrübəmə əsaslanaraq danışıram”, - deyə həmsöhbətimiz qeyd edib.
Onun fikrincə, Azərbaycan milli poeziyasını beynəlxalq səviyyədə tanıtmaq üçün şeir axşamları, sosial media (rils) və “YouTube”da maraqlı videolar kimi müasir deyim metodlarından daha çox istifadə etmək lazımdır.
“Lakin bizim dövrümüzdə yalnız həqiqətən də dahi və ya qeyri-adi, xüsusi və parlaq bir personaj eşidilən və görünən ola bilər. Məhz bir personaj”, - deyə şairə vurğulayıb.
Bölmənin digər xəbərləri
