İRAQ NEFT İXRACINI DAYANDIRMIŞDIR
AZƏRTAC xarici informasiya agentliklərinə istinadla xəbər verir ki, İraqın Kərkük şəhəri ətrafındakı neft yataqlarını Türkiyənin Ceyhan limanı ilə birləşdirən neft kəmərində dekabrın 29-da törədilmiş partlayış nəticəsində Bağdad neft ixracını tamamilə dayandırmışdır. Cənub istiqamətindən – Bəsrə limanından neftin nəqli isə hələ dekabrın 23-də, Fars körfəzində qasırğa üzündən saxlanılmışdı. Bunu ölkənin Neft Nazirliyinin nümayəndəsi bildirmişdir. Neft kəmərinin sıradan çıxması Bayca şəhərindəki neft emalı zavodunun da dayanmasına səbəb olmuşdur.
Noyabr ayında İraqın neft ixracı gündə 1,21 milyon barrelə düşmüşdür. Hazırda ölkə 2,6 milyon barrel neft ixrac etmək imkanına malik olsa da, neft infrastrukturu obyektlərində təxribatlar üzündən bu səviyyəyə qalxa bilmir.
Bölmənin digər xəbərləri
