İraq yeni “OPEC+” razılaşmasından məmnundur
Bakı, 13 aprel, AZƏRTAC
İraq yeni “OPEC+” sazişindən məmnundur.
AZƏRTAC xarici KİV-lərə istinadla xəbər verir ki, bu sözləri İraqın Neft naziri Tamir Gadban deyib.
Nazir razılaşma sayəsində rezervuarların azalacağı və qiymətin artacağı qənaətindədir.
O, “OPEC+” iclasında əldə edilən neft hasilatının azaldılması ilə bağlı razılaşmanın bazarın sabitləşməsinə kömək edəcəyini söyləyib.
“Neft hasilatına böyük həcmdə məhdudiyyətin tətbiq olunması rezervuarların azaldılmasına və qiymətin yüksəlməsinə kömək edəcək”, - deyə nazir bildirib.
T.Gadban hasilatın azaldılması ilə bağlı may və iyun aylarının nəticələrinin OPEC-in gələcək addımlarını müəyyənləşdirməsi üçün mühüm rol oynayacağını vurğulayıb.
Bölmənin digər xəbərləri
