“İslimi” Xalçaçılıq mərkəzinin rəhbəri: Gələcəkdə Laçın xalçalarını bütün dünyada təmsil edəcəyik
Laçın, 28 dekabr, A.Yavərzadə, AZƏRTAC
Laçında açılan “İslimi” Xalçaçılıq mərkəzində Qarabağ xalçaçılıq məktəbinə aid "Qasımuşağı" xalçaları toxunacaq. Biz gələcəkdə Laçın xalçalarını bütün dünyada təmsil edəcəyik.
Bu sözləri AZƏRTAC-ın bölgə müxbirinə açıqlamasında bu gün Laçında fəaliyyətə başlayan “İslimi” Xalçaçılıq mərkəzinin rəhbəri Bəhmən Hacıyev söyləyib.
Məqsədlərinin gənc nəsillərə qədim-adət ənənələri öyrətmək olduğunu vurğulayan B.Hacıyev deyib: “Biz burada ancaq Laçın çeşniləri əsasında "Qasımuşağı" xalçaları toxuyacağıq. Mərkəzdə işə əsasən laçınlılar cəlb olunub. Bir müddət sonra emalatxanaya kiçikölçülü hanalar da gətiriləcək. Emalatxananın ərazisi 120 kvadratmetrdir. Burada 4 dəzgah var. Hər dəzgahda 2-3 nəfər işləyə bilir. Ümumilikdə, emalatxanada 16 nəfər çalışır”.
Bölmənin digər xəbərləri
