İsveçdə baş verən təyyarə qəzası nəticəsində doqquz nəfər həlak olub
Stokholm, 9 iyul, Rauf Əliyev, AZƏRTAC
İsveçin Örebro hava limanının yaxınlarında baş verən təyyarə qəzası nəticəsində heyətdəki doqquz nəfər həlak olub.
AZƏRTAC-ın xüsusi müxbiri xəbər verir ki, İsveçin Örebro şəhərinin hava limanından uçuşa başlayan kiçik təyyarə bir müddət sonra, böyük ehtimalla texniki nasazlıq səbəbindən qəzaya uğrayıb.
Qəza baş verdiyi an paraşütçü təyyarənin göyərtəsində 1 pilot və 8 paraşütçü olub.
Son məlumatlara görə, təyyarə qəzasında səkkiz nəfər yerindəcə vəfat edib, bir nəfərin isə ağır xəsarətlərlə yerli xəstəxanaya yerləşdirilməsinə baxmayaraq, həkimlər onun həyatını xilas edə bilməyiblər.
Qəza qurbanlarının şəxsiyyəti və təyyarənin kimə məxsus olduğu haqqında hələlik məlumat yoxdur.
Baş vermiş qəza ilə bağlı araşdırma aparılır.
Rauf Əliyev
AZƏRTAC-ın xüsusi müxbiri
Stokholm
Bölmənin digər xəbərləri
