İsveçrənin dağ-turizm mərkəzində baş vermiş faciədə azı 40 nəfər ölüb
Vyana, 1 yanvar, AZƏRTAC
İsveçrənin Vale kantonunda yerləşən Krans-Montana dağ-xizək mərkəzində baş vermiş yanğın faciəsində azı 40 nəfər həlak olub, 115 nəfər yaralanıb. Yaralıların əksəriyyətinin vəziyyəti ağır olaraq qiymətləndirilir.
AZƏRTAC xəbər verir ki, bu barədə məlumatı Vale kanton polis idarəsinin rəhbəri Frederik Qisler təsdiqləyib. Hadisənin ölkənin ən tanınmış turizm regionlarından birində baş verdiyini nəzərə alaraq, ölən və yaralananların arasında turistlər çoxluq təşkil edir. İtaliya qurumlarının məlumatına görə, 15 İtaliya vətəndaşı itkin düşmüş şəxslər arasındadır.
Hazırda hadisənin səbəbləri barədə detalları geniş açıqlamayan polis partlayışın yanğın başladıqdan sonra baş verdiyini ifadə deyib.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
