İTALİYADA SƏRDABA OĞRUSU AVROPADA ƏN QƏDİM MƏZARLIQ TAPMIŞDIR
Yaxşı qalmış, vuruşan şirlərin və quşların təsvir olunduğu divar naxışları arxeoloqları daha çox maraqlandırmışdır. Alimlərin “nərildəyən şirlər” sərdabası adlandırdıqları məzarlıqda hökmdar və əsilzadələr dəfn olunmuşdular.
Etrusk sivilizasiyası üzrə mütəxəssis Covanni Kolonna demişdir: “Nərildəyirmiş kimi, ağızlarını açmış şirlər axirət dünyası qarşısında qorxunun, uçan quşlar isə insan ömrünün rəmzidir”.
Rutelli bildirmişdir ki, bu tapıntı təkcə etruskların torpaqlarında deyil, həm də bütün Aralıq dənizi regionunda indiyədək aşkar olunan ən qədim məzarlıqdır. Maraqlıdır ki, arxeoloqlara onu tapmaqda sərdaba oğrusu kömək etmişdir. O, qazıntılar zamanı ələ keçirdiyi qədim əşyaları ayrı-ayrı şəxslərə satmaqla dolanırmış, lakin indi tövbə edərək, məhkəmənin mərhəmət göstərəcəyinə ümid bəsləyir.
Bölmənin digər xəbərləri
