İtaliyanın məşhur virtuoz ifaçısı Bakıda konsert verəcək
Bakı, 6 sentyabr, Fidan Əlizadə, AZƏRTAC
Oktyabrın 10-da Beynəlxalq Muğam Mərkəzində dünyaşöhrətli italyan caz musiqiçisi, virtuoz ifaçı Fabio Lepore konsert proqramı ilə çıxış edəcək.
AZƏRTAC xəbər verir ki, konsertdə ifaçı hit caz nömrələri ilə yanaşı, dünya bəstəkarlarının yaradıcılığına da müraciət edəcək.
Onun ifası nəinki cazsevərləri, həm də ənənəvi musiqilərdə orijinallığı və xüsusilik axtaran dinləyicilərin ruhunu oxşayır.
Qeyd edək ki, o, London Caz Festivalı, Boston Yaşıl Festival, Dubay Caz Festivalı, Blue Bay Caz Festivalı kimi bir çox beynəlxalq festival və tədbirlərdə iştirak edib.
Biletləri şəhərin kassalarından və iticket.az saytından əldə etmək olar.
Bölmənin digər xəbərləri
