İyunda Səyyar ASAN xidmətin fəaliyyət göstərəcəyi ünvanlar məlum olub
Bakı, 2 iyun, AZƏRTAC
İyunda Səyyar ASAN xidmətin fəaliyyət göstərəcəyi ünvanlar açıqlanıb.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsindən AZƏRTAC-a verilən məlumata görə, iyunun 2-dən 25-dək Daşkəsəndə, Şabranda, Hacıqabulda, Astarada, Tərtərdə, Ağsuda, Yevlaxda və Xırdalanda, 16-dan 25-dək isə Mərdəkanda vətəndaşlara səyyar xidmət göstəriləcək.
Səyyar ASAN xidmət avtobusları həftəiçi 5 gün saat 10:00-dan 17:00-dək fəaliyyət göstərir.
Ağsuda fəaliyyət göstərən Səyyar ASAN xidmət avtobusunda isə iş qrafiki saat 11:00-dan 17:00-dək nəzərdə tutulub.
Vətəndaşlar səyyar xidmətlər barədə ətraflı məlumat əldə etmək üçün 108 (daxili nömrə 3 yığaraq) Çağrı mərkəzinə müraciət edə bilərlər.
Bölmənin digər xəbərləri
