JAK ŞİRAK FRANSADA AYRI-SEÇKİLİK OLDUĞUNU ETİRAF ETMİŞDİR
Onun sözlərinə görə, hakimiyyət orqanlarının başlıca vəzifəsi cəmiyyətdə qayda-qanunu bərpa etməkdən ibarətdir. Şirak fövqəladə vəziyyət haqqında 1955-ci il qanununa işarə vuraraq demişdir: “Mən hökuməti fəaliyyət vasitələri ilə təmin etmişəm”.
Xatırladaq ki, noyabrın 14-də Fransa Nazirlər Kabinetinin iclasında ölkədə fövqəladə vəziyyət rejiminin üç ay uzadılması haqqında qərar qəbul olunmuşdur.
Şirak telemüraciətində etiraf etmişdir ki, iğtişaşlar Fransa cəmiyyətinə çoxdan xas olan problemlərin nəticəsidir. O, əhalinin ayrı-ayrı təbəqələrinə qarşı ayrı-seçkiliyi belə problemlərdən biri adlandırmışdır. Şirakın sözlərinə görə, bu, immiqrantların əksəriyyətinin iş tapa bilməməsində təzahür edir.
Prezident işsiz gənclərin işə düzəlməsinə kömək edəcək xüsusi qrup yaradılacağına söz vermişdir. O demişdir ki, bu tədbir sayəsində 2007-ci ilədək 60 min adam işlə təmin olunacaqdır.
Bölmənin digər xəbərləri
