KADETLƏRARASI DAMA ÜZRƏ AZƏRBAYCAN ÇEMPİONATI BAŞA ÇATMIŞDIR
Bakı, 18 fevral (AZƏRTAC). Damanın rus versiyası üzrə kadetlərarası Azərbaycan çempionatı başa çatmışdır.
13 yaşa qədər oğlan kadetlərin turnirində Zeynal Rəşidli ölkə çempionu adına layiq görülmüşdür. Anar Mustafayev 2-ci, Nurlan Muradov 3-cü olmuşlar. Qız kadetlərin yarışında isə Həmidə Əhmədova 1-ci pillədə qərarlaşmışdır. 2-ci yeri Rubiyyə Mirzəyeva, 3-cü yeri isə Nərmin Səyyadzadə tutmuşlar.
16 yaşa qədər oğlan kadetlərin turnirində Ramin Salahov Azərbaycan çempionu adını qazanmışdır. Sidqi Samanduyev və Rüfət Hüseynbəyli 2-ci və 3-cü pillələrdə qərarlaşmışlar. Bu yaş üzrə keçirilən qızların yarışında isə Nərmin Xəlilova birinci olmuşdur. Nuridə Cəfərova 2-ci, Renata Hacıyeva 3-cü yerləri tutmuşlar.
Bölmənin digər xəbərləri
