Kamran Əliyev: Qonşularımız öz təxribatçı fəaliyyətini dayandırmırlar
Bakı, 22 iyun, AZƏRTAC
Təəssüf ki, qonşularımız öz təxribatçı fəaliyyətini dayandırmırlar və yenə də davam etdirirlər.
AZƏRTAC xəbər verir ki, bu barədə Laçında jurnalistlərə müsahibəsində Baş prokuror Kamran Əliyev deyib.
“Mayın 26-da iki erməni hərbçisinin bizim sərhədi pozaraq silahlanmış şəkildə təxribat törətmək məqsədilə ölkə ərazisinə keçmələri və bizim hərbçilər tərəfindən onların qanunsuz fəaliyyətinin qarşısının alınması, digər tərəfdən iyunun 15-də yenə də Azərbaycan sərhəd xidmətinin əməkdaşlarına heç bir əsas olmadan yenidən təxribat törədilməsi bizim bir daha diqqətli olmamızı zəruri edir", - deyə Baş prokuror bildirib.
Bölmənin digər xəbərləri
