Kanadanın ən ucuz aviaşirkəti fəaliyyətini dayandırır
Bakı, 23 fevral, AZƏRTAC
Kanadanın aşağı büdcəli aviaşirkəti “Lynx Air” fəaliyyətini dayandırır. O, son uçuşunu bazar günü həyata keçirəcək.
AZƏRTAC “Airways Magazine” jurnalının saytına istinadla xəbər verir ki, şirkət bazar ertəsi yerli vaxtla saat 00:01-dən etibarən uçuş əməliyyatlarını dayandıracağını bildirib.
“İnflyasiya, yanacaq xərcləri, valyuta məzənnələri, kapitalın dəyəri və Kanada bazarındakı rəqabətlə bağlı mürəkkəb maliyyə təzyiqləri səbəbindən fəaliyyətimizi dayandırmaq barədə qərar qəbul etmişik”, - şirkətin açıqlamasında belə deyilir.
Özəl şirkət olan “Lynx Air” ilk uçuşunu 2022-ci ilin aprelində həyata keçirib. O, Kanadanın ən ucuz aviakompaniyası idi.
Bölmənin digər xəbərləri
