“Kapital Bank”da 20 Yanvar faciəsinin 22-ci ildönümünə həsr edilmiş mərasim keçirilmişdir
Bakı, 19 yanvar (AZƏRTAC). “Kapital Bank”da 20 Yanvar faciəsinin 22-ci ildönümünə həsr edilmiş mərasim keçirilmişdir.
Bankdan AZƏRTAC-a bildirmişlər ki, mərasim iştirakçıları Azərbaycanın müstəqilliyi və ərazi bütövlüyü uğrunda həlak olmuş bütün şəhidlərimizin xatirəsini bir dəqiqəlik sükutla yad etmişlər.
Tədbirdə 20 Yanvar faciəsinin tariximizin şərəf salnaməsinə çevrildiyi bildirilmişdir. Azərbaycanlılara qarşı belə bir qırğının törədilməsində əsas məqsədin xalqı istiqlal mübarizəsindən çəkindirmək, milli müstəqilliyimizin qarşısını almaqdan ibarət olduğu nəzərə çarpdırılmışdır.
Şəhidlərimizin qəhrəmanlıq nümunəsinin Azərbaycan xalqının mübarizə əzmini daha da möhkəmləndirdiyi, bütün maneələrə baxmayaraq, xalqın öz istiqlal haqqına qovuşduğu vurğulanmışdır.
Bölmənin digər xəbərləri
