Karakasda Maduroya dəstək yürüşü keçirilib
Bakı, 4 avqust, AZƏRTAC
Venesuelada yenidən prezident seçilən Nikolas Maduroya dəstək məqsədilə yürüş keçirilib.
AZƏRTAC xəbər verir ki, bu barədə xarici kütləvi informasiya vasitələri məlumat yayıb.
Bolivar İnqilabının, Vahid Sosialist Partiyasının on minlərlə tərəfdarı və ictimai təşkilatların üzvləri Maduroya dəstək məqsədilə Karakas küçələri ilə yürüş ediblər.
Onlar Maduronun çıxış edəcəyi Miraflores prezident sarayının qarşısında toplaşıblar. Saray yaxınlığında konsert keçirilib. Heç bir ciddi insident, asayişin pozulması halları qeydə alınmayıb.
Şənbə günü Karakasda radikal müxalifətin lideri Mariya Korina Maçadonun tərəfdarları nümayiş keçirib.
Qeyd edək ki, Venesuelanın hazırkı prezidenti Nikolas Maduro iyulun 29-da ölkədə keçirilən prezident seçkilərində qalib gəlib.
Maduronu seçicilərin 51,2 faizi dəstəkləyib.
Bölmənin digər xəbərləri
