KARATEÇİLƏRİMİZ DÜNYA ÇEMPİONATININ BÜRÜNC MEDALLARINA LAYİQ GÖRÜLMÜŞLƏR

11.11.2005 [15:20]
Çap et
A⁺ A^-

AZƏRTAC xəbər verir ki, Kişinyovda yeniyetmələr, gənclər və kişilər arasında karatenin iriqumu-qo (sərt döyüş) növü üzrə keçirilən dünya çempionatı başa çatmışdır.

20-dən çox ölkədən 1500-ə yaxın idmançının mübarizə apardığı yarışlarda ölkəmizi Azərbaycan Qocyu-ryu Okinava Karate-do və Kobudo növləri Federasiyasının prezidenti, VI dan qara kəmər sahibi məşqçi Tanrıverdi Allahverdiyevin rəhbərliyi ilə beş nəfərdən ibarət milli yığma komanda təmsil etmişdir. Onların üçü-Ümid Əliyev (45 kq), Bəhruz Kazımov (63 kq) və Elçin Əliyev (63 kq) bürünc medallara sahib olmuşlar.

Yarışlarla eyni vaxtda, karatenin inkişafı məqsədi ilə beynəlxalq seminar da keçirilmişdir.