Keniyada qarışqa qaçaqmalçıları həbs edilib
Bakı, 16 aprel, AZƏRTAC
Avropa və Asiyanın ekzotik heyvan bazarlarında satış üçün Keniyadan minlərlə diri qarışqa keçirməyə cəhd edən 4 qaçaqmalçıya vəhşi heyvan alveri ittihamı irəli sürülüb.
AZƏRTAC “Reuters” agentliyinə istinadla xəbər verir ki, Keniyanın Vəhşi Təbiət Xidməti sınaq borularında və şprislərdə gizlədilnmiş nəhəng Afrika qarışqası (Messor Cephalotes) da daxil olmaqla canlı qarışqa növlərini ələ keçirdiklərini bildirib.
“İstintaq göstərdi ki, borular qarışqaların iki aya qədər yaşaya bilməsi və hava limanının təhlükəsizliyi tərəfindən aşkarlanmaması üçün hazırlanıb”, - deyə Xidmətin açıqlamasında deyilir.
Bəzi insanların qarışqaları gəzinti zamanı maneə kimi gördüyü zaman, qarışqa həvəskarları onları formikariumlarda – şəffaf qablarda saxlamaqdan həzz alırlar. Burada onlar mürəkkəb koloniyaların qurulmasını müşahidə edə bilərlər.
Səlahiyyətlilər bazar dəyəri 7800 ABŞ dolları olan 2244 konteynerə yığılmış təxminən 5 min ana qarışqanı müsadirə ediblər.
“Messor Cephalotes” növü bir çox insan üçün xəyaldır. “Kraliçalar”ın uzunluğu 20-24 mm-ə çatır və gözəl qırmızı-qəhvəyi-qara rəngə malikdir. Bu növ canlı ana qarışqa 130 dollardır”, - deyə Xidmətin açıqlamasında bildirilir.
Bölmənin digər xəbərləri
