“Keşlə”-“Yenisey” oyununda qalib müəyyənləşməyib
Bakı, 2 fevral, AZƏRTAC
Bakının “Keşlə” futbol klubu Antalya toplanışı çərçivəsində sonuncu yoxlama matçını keçirib.
AZƏRTAC xəbər verir ki, Rusiyanın birinci divizion təmsilçisi “Yenisey” ilə keçirilən oyunda qalib müəyyənləşməyib - 1:1.
“Keşlə” Slavik Alxasovun vurduğu qol ilə hesabda önə çıxsa da, rəqib komanda ikinci hissədə məğlubiyyətdən qaçmağı bacarıb.
“Keşlə” toplanış çərçivəsində 4 yoxlama matçı keçirib. İlk yoxlama matçında Makedoniyanın “Rabotniçki” klubuna 1:0 hesabı ilə qalib gələn komandamız Ukraynanın “Karpatı” klubu ilə qarşılaşmada 2:1 hesabı ilə məğlub olub.
Komandamız fevralın 2-də Vətənə qayıdacaq.
Bölmənin digər xəbərləri
