Kiyev ballistik raketlərlə vurulub, yaralılar var YENİLƏNİB
Kiyev, 11 iyul, AZƏRTAC
Rusiya ordusu Kiyev şəhərinə ballistik raketlərlə intensiv hava zərbələri endirib.
AZƏRTAC-ın məlumata görə, bu barədə Kiyev şəhər meri Vitali Kliçko teleqram səhifəsində bildirib.
Onun sözlərinə görə, hava hücumu zamanı 6 nəfər xəsarət alıb, onlardan 3-ü xəstəxanaya yerləşdirilib.
Kiyevin enerji infrastrukturuna da ziyan dəyib.
04:44
Rusiya ordusu iyulun 11-də yerli vaxtla gecə 03:40-dan başlayaraq Kiyev şəhərinə ballistik raletlərlə intensiv hava zərbələri endirir.
AZƏRTAC-ın məlumata görə, hava hücumu zamanı güclü partlayış səsləri eşidilir.
Şəhərin bəzi ərazilərini tüstü bürüyüb.
Kiyev şəhər Hərbi Administrasiyasının rəhbəri Timur Tkaçenko teleqram səhifəsində yazıb ki, artıq Dneprpetrovsk rayonunda dağıntılar var.
Svyatoşin rayonunda hava hücumu nəticəsində qeyri-yaşayış, Darnitsk rayonunda isə yaşayış binasına ziyan dəyib.
Bölmənin digər xəbərləri
