Kiyev ballistik raketlərlə vurulub, dağıntılar var – YENİLƏNİB
Kiyev, 16 avqust, AZƏRTAC
Yerli montorinq qruplarının yaydığı məlumata görə, Rusiya ordusu 5-6 ballistik raketlə Kiyevə hava zərbələri endirib. Hava zərbələri zamanı əsasən Şimali Koreya istehsalı ballistik raketlərdən istifadə edildiyi qeyd olunub.
Kiyev Şəhər Hərbi Administrasiyasının məlumatına görə, Obolon rayonunda dağıntılar qeydə alınıb.
04:02
Rusiya ordusu Ukraynanın paytaxtı Kiyev şəhərinə hava zərbələri endirir.
AZƏRTAC-ın xüsusi müxbirinin verdiyi məlumata görə, hazırda şəhərdə güclü partlayış səsləri eşidilir. Hava zərbələri zamanı, əsasən, ballistik raketlərdən istifadə edilir.
Kiyevin bəzi ərazilərində dağıntılar qeydə alınıb. Xilasedicilər hücumun nəticələrinin aradan qaldırılması istiqamətində iş aparırlar.
Kiyev şəhərinin meri Vitali Kliçko sakinləri sığınacaqlarda qalmağa çağırıb.
Bölmənin digər xəbərləri
