KLİÇKO QARDAŞLARININ ŞƏRƏFİNƏ BEYNƏLXALQ TURNİRDƏ AZƏRBAYCAN BOKSÇULARI BEŞ MEDAL QAZANMIŞLAR
Yarışda Azərbaycanı “Rabitəçi” və Mərkəzi Ordu İdman Klubunun boksçularından ibarət yığma komanda təmsil etmişdir.
İdmançılarımızın arasında ən yaxşı nəticəni Tofiq Əhmədov (69 kq) göstərmişdir. Finalda ukraynalı Semyon Fisençuka 27:23 hesabı ilə qalib gələn Tofiq fəxri kürsünün ən yüksək pilləsinə qalxmışdır.
12 ölkənin 140-dan çox idmançısının mübarizə apardığı turnirdə yığmamızın digər üzvləri Natiq Alışov (64 kq) gümüş, Ceyhun Əbiyev (51 kq), Rüstəm Sofiyev (75 kq) və Cəbi Sayılov (81 kq) bürünc medallara sahib olmuşlar.
Xatırladaq ki, ötən il keçirilən yarışda idmançılarımız iki qızıl, bir gümüş və iki bürünc medal qazanmışdılar.
Bölmənin digər xəbərləri
