QAN YADDAŞI
Komissiya üzvü: Xocalı soyqırımı zamanı 196 itkin düşmüş şəxs Dövlət Komissiyasının qeydiyyatındadır
Tbilisi, 25 fevral, AZƏRTAC
Xocalının işğalı zamanı ermənilər tərəfindən əsir, girov götürülmüş və sonradan müxtəlif yollarla azad edilmiş 413 nəfərin hadisə ilə bağlı həm yazılı, həm də video ifadələri alınaraq Dövlət Komissiyasında arxivləşdirilib.
AZƏRTAC xəbər verir ki, bu sözləri Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasının nümayəndəsi Cəmilağa Ağayev Tbilisidə Xocalı faciəsinin 28-ci ildönümü ilə bağlı keçirilən anım tədbirində bildirib.
Onun sözlərinə görə, Xocalı soyqırımı zamanı 196 nəfər itkin düşmüş şəxs Dövlət Komissiyasının qeydiyyatındadır. Həmin şəxslər arasında 36 nəfər uşaq, 65 nəfər qadın, 34 nəfər qoca var: “İtkin düşmüş 196 nəfərdən 95 nəfərinin işğal zamanı əsir, girov götürülməsi və saxlanması faktı şahid ifadələrinə əsasən müəyyən edilib.
Xətayi Əzizov
AZƏRTAC-ın xüsusi müxbiri
Tbilisi