Konfrans Liqası: “Fehervar”–“Sumqayıt” oyununun hakimləri müəyyənləşib
Bakı, 18 iyul, AZƏRTAC
“Sumqayıt”ın UEFA Avropa Konfrans Liqasının II təsnifat mərhələsində Macarıstanda “Fehervar”a qarşı keçirəcəyi cavab oyununun hakimləri açıqlanıb.
AZƏRTAC UEFA-nın rəsmi saytına istinadən xəbər verir ki, matçı İsveçdən olan hakimlər briqadasına tapşırılıb.
Görüşün baş hakimi Kristoffer Karlsson olacaq. Ona yan xətt hakimləri Mikael Hallin və Markus Lündqren Klitte kömək edəcəklər. Oskar Yonson isə dördüncü hakim funksiyasını yerinə yetirəcək.
Qeyd edək ki, iyulun 31-də keçiriləcək “Fehervar”–“Sumqayıt” oyunu Bakı vaxtı ilə saat 21:00-da başlayacaq.
Bölmənin digər xəbərləri
