Konqo Demokratik Respublikasında 26 milyon insan aclıq astanasındadır
Bakı, 25 noyabr, AZƏRTAC
Konqo Demokratik Respublikasında hazırda 26 milyona yaxın insan aclıq astanasında yaşayır.
AZƏRTAC xəbər verir ki, bu barədə Konqonun “Okapi” radiostansiyası BMT strukturları ekspertlər qrupunun hesablamalarına istinadla məlumat yayıb.
Bildirilib ki, 26 milyon insanın təxminən 3 milyonu kəskin qida çatışmazlığı yaşayır. Mütəxəssislər ölkənin bir sıra ərazilərində ərzaq təhlükəsizliyinin təmin olunmamasının səbəbi kimi üsyançıların hərəkətləri və hərbi əməliyyatlar nəticəsində yaranan zorakılıqları, ərzaq məhsullarının qiymətinin qalxmasını, qaçqın və köçkünlərin ərzaqla təmin olunmasında yaranan çətinlikləri göstərirlər.
Bölmənin digər xəbərləri
