Kredit portfelində vaxtı keçmiş kreditlərin payı azalıb
Bakı, 25 fevral, AZƏRTAC
Yanvar ayında bankların kredit portfeli 0,4 faiz və ya 75,2 milyon manat artaraq 19 milyard 669,6 milyon manat olub.
AZƏRTAC Mərkəzi Banka istinadla xəbər verir ki, kredit portfelinin strukturuna biznes kreditləri - 55,2 faiz (10 milyard 845,6 milyon manat), istehlak kreditləri - 29,5 faiz (5 milyard 811,9 milyon manat) və ipoteka kreditləri - 15,3 faiz (3 milyard 12,2 milyon manat) daxildir. Cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı əvvəlki ilin müvafiq dövrünə nəzərən 1,2 faiz bənd azalaraq 2,9 faiz təşkil edib.
Bölmənin digər xəbərləri
