Kür çayının aşağı axınında suyun səviyyəsində azalma müşahidə olunub
Noyabrın 11-də Kür çayının Qıraqkəsəmən məntəqəsində suyun səviyyəsində 3 sm artım müşahidə olunub. Hazırda məntəqədə su sərfi 165 m3/s olmaqla ongünlük normanın 94 faizini təşkil edir. Qanıx çayının Əyriçay məntəqəsində isə suyun səviyyəsində 1 sm azalma müşahidə olunub.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə Kür çayının aşağı axınında da suyun səviyyəsində azalma qeydə alınıb. Belə ki, suyun səviyyəsinin Kür çayının Surra məntəqəsində və Şirvanda 4, Salyanda 3, Bankədə və Araz çayının Novruzlu məntəqəsində 2 sm azaldığı müəyyən edilib.
Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 130-150, Kiçik Qafqazın çaylarında 70-130, Lənkəran-Astara bölgəsi çaylarında isə 40-60 faizini təşkil edir.
Bölmənin digər xəbərləri
