Laşa Abaşidze: Gürcüstan qonşu ölkələrlə elektron gömrük rəsmiləşdirilməsinin tətbiqi üzərində fəal iş aparır
Tbilisi 22 oktyabr, AZƏRTAC
Bakı-Tbilisi-Qars dəmir yolu xətti çox mühüm regional və qlobal əhəmiyyətə malik olan böyük layihədir. Bu layihənin əsas üstünlüyü onun Orta Dəhliz boyu yerləşən ölkələr üçün birbaşa bağlantı yaratmasıdır.
AZƏRTAC xəbər verir ki, bu sözləri "Gürcüstan Dəmir Yolları" SC-nin baş direktoru Laşa Abaşidze V Tbilisi İpək Yolu Forumu çərçivəsində keçirilən panel iclasında çıxışı zamanı deyib.
Onun sözlərinə görə, Gürcüstan qonşu ölkələrlə elektron gömrük rəsmiləşdirilməsinin tətbiqi üzərində fəal iş aparır.
"Bu yeniliyin tətbiqi ilə dəmir yolu ilə Azərbaycandan Qara dəniz limanlarına qədər yüklərin daşınması müddəti 22-24 saatdan 12 saata endiriləcək. Gürcüstanda dəmir yolu xəttlərinin modernləşdirilməsi prosesi başa çatdırılıb. Bu, həm daşınan yüklərin həcminin artmasına, həm də hərəkətin sürətinin yüksəldilməsinə və vaxtın qısalmasına imkan verəcək", - deyə L.Abaşidze vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
