LATVİYA BEREZOVSKİNİ “QARA SİYAHI”YA SALDI
Xatırladaq ki, Berezovskinin “qara siyahı”ya salınması haqqında qərarı ötən həftə Latviya Prezidenti Vayra Vike-Freyberqanın rəhbərliyi ilə Milli Təhlükəsizlik Şurası qəbul etmişdir.
Bundan əvvəl Baş nazir bildirmişdir ki, təhlükəsizlik orqanları tərəfindən verilən məlumat onda şübhə doğurmur ki, Boris Berezovski ölkəyə gəlməməlidir. Kalvitis rusiyalı sahibkarın Latviyada müəyyən siyasi maraqları olduğunu ehtimal edir və istəməzdi ki, Berezovski onları parlament seçkilərindən sonra həyata keçirə bilsin.
Qaçqın rusiyalı oliqarx Latviyada artıq iki dəfə olmuşdur. Hər iki dəfə də Rusiya Baş Prokurorluğu Latviyadan Berezovskini təhvil verməyi xahiş etmişdir, çünki o, Rusiyada bir sıra cinayətlərdə, eləcə də xüsusilə iri məbləğdə fırıldaqlarda təqsirləndirilir.
Berezovski Latviya hökumətinin qərarına münasibətini bildirərək, Riqanın addımını iki tərəfdən – Moskva və amerikalı biznesmen Corc Soros tərəfdən özünə qarşı təzyiq adlandırmışdır.
Bölmənin digər xəbərləri
