Lekler Azərbaycan Qran-Prisindən əvvəl “Ferrari”nin hədəflərindən danışıb
Bakı, 17 aprel, AZƏRTAC
Formula 1 çempionatının “Ferrari” komandasının pilotu Şarl Lekler aprelin 28-30-da Bakıda keçiriləcək Azərbaycan Qran-Prisi ərəfəsində komandanın hədəflərindən danışıb.
AZƏRTAC xəbər verir ki, “Motorsport Week” nəşri Leklerin bu sözlərini sitat gətirib: “Komanda maksimum iş həcmi və bir neçə yenilik hazırlamaqdan ötrü fasilədən istifadə etdi. Biz bu yeniliklər sayəsində daha rəqabətqabiliyyətli olmaq niyyətindəyik. Mövsüm uzundur. Biz motivasiyalıyıq və qalan vaxtımızı Azərbaycan Qran-Prisindən əvvəl daha yaxşı şəkildə sərf etmək üçün əlimizdən gələni edirik.
Hazırda biz fikrimizi tamamilə ona cəmləşdirmişik ki, “Red Bull” komandası ilə yenidən bərabərləşmək üçün yaxşılaşa bilərik. Biz nə etmək lazım olduğunu bilirik. Biz təsnifat yarışlarında yaxşıyıq. Lakin iş yürüşə gəlib çatanda, məhsuldarlıqda həddən artıq uduzuruq”.
Bölmənin digər xəbərləri
