LƏNKƏRANDA AĞSAQQALLARLA GÖRÜŞ KEÇİRİLMİŞDİR
Tədbirdə şəhər icra hakimiyyətinin başçısı Süleyman Mikayılov yaşlı nəslin nümayəndələrini 31 dekabr – Dünya Azərbaycanlılarının Həmrəyliyi günü və Yeni il bayramı münasibətilə təbrik etmiş, onların qayğıları ilə maraqlanmışdır.
Toplantıda çıxış edən ağsaqqallar və veteranlar mövcud problemlərdən danışmış, rayonda iqtisadiyyatın inkişafı və sosial infrastrukturun yaxşılaşdırılması üçün təkliflərini bildirmişlər.
Sonda icra başçısı rayonda olan 176 şəhid ailəsinin hər birinə edilən yardımın məbləğinin 100 min manatdan 150 min manata çatdırılacağını və hər ay onlara 50 min manat dəyərində ərzaq yardımının ediləcəyini diqqətə çatdırmışdır.
